ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A toupiña Krtek, que o checo Zdeněk Miler creou a finais dos anos 50 para que o bloque comunista tivese un Mickey Mouse de seu, fala galego grazas a Patasdepeixe Editora. “Decidimos rescatar este personaxe tenro e entrañable que nunca se editara na Península”, explica Laura Sáez Fernández, quen destacou tamén nos micrófonos de Radiofusión o aspecto “retro e vintage” da ilustración. &ldqu
Con esta novidade son xa doce as referencias de Patasdepeixe, unha editorial que nacía en 2008 co lanzamento de O incrible neno devorador de libros. Unha das características singulares do proxecto é a súa independencia dos poderes públicos. “Traballamos sen axudas gobernamentais porque entendemos que a Xunta, nos seus distintos gobernos, nunca fixo unha aposta seria pola lectura, non conseguiu crear unha rede de lectores”, explican. “Manifestámonos en contra desas políticas porque entendemos que o que hai que subvencionar é lectura, non as editoriais”, argumenta Laura Sáez.
O obxectivo das impulsoras de Patasdepeixe é, segundo explican, "publicar en galego obras fundamentais da literatura para persoas de pouca idade, para que todo aquel que se achegue a elas poida gozar coa lectura tanto coma nós coa edición".