Irisarri, acompañado da corporación municipal. depositou un ramo de rosas vermellas diante do monumento construido por Xoan Braxe no lugar no que caeron Amador Rey e Daniel Niebla hai 37 anos. Acompañados por dirixentes de Comisións Obreiras, da UXT e da USTG e por arredor de 200 traballadores insistiron na necesidade de manter as prestacións sociais nestes tempos de crise económica. Irisarri lembrou na única intervención desta mañán, a Daniel e Amador que deron a vida pola conquista das liberdades e dos dereitos laborais. Vixente está aínda, afirmou o alcalde ferrolán, a loita polo pleno emprego, polos contratos dignos, pola eliminación dos accidentes laborais ou a conquista da igualdade nos convenios colectivos. Irisarri centrou as suas palabras esta mañán sobretodo na crise económica e na necesidade das políticas laborais e cercanas pensadas para os veciños e veciñas que están formando cola nas oficinas de emprego.