José Manuel Pereiro, natural de Perlío (Fene), comezou no mundo da pintura como alumno de  Pérez Villaamil no ano 1961. A súa é unha pintura realista na que predominan as paisaxes. Pereiro adoita facer reproduccións fieis á realidade do seu entorno máis cercano. Realizou exposicións individuais e colectivas no CCRD Perlío e tamén en Ferrol, no Lar do Toxos. En tres ocasións fíxose co accesit no Concurso Bello Piñeiro, de Mugardos.

Ata o 22 de xuño, o horario de visitas será de luns a venres, de 10.00 a 13.00 horas e de 16.00 a 21.00 horas, e os sábados, de 10.00 a 13.00 horas. Domingos e festivos, pechado. A partir do 22 de xuño, o horario da Casa da Cultura de Fene será de luns a sábados, de 10.00 a 14.15 horas.