Pola súa banda o Maniños logrou tamén unha importante vítoria no Pote ante o Cedeira. Os goles chegaron no segundo tempo e foron obra de Uxío e de Diego. Corrían os minutos 25 e 26 de partido. En minuto e medio o Maniños resolveu a incógnita e amosou de novo, con autoridade, a súa candidatura ao liderazgo. Na parte de abaixo da táboa, o Narahio prácticamente dí adeus á categoría. Hoxe perdeu ante o Cariño por 1 a 2. O Cariño colócase terceiro pola cola con 23 puntos, un máis que o Cebarca que hoxe empatou a un tanto co San Sadurniño. Mentres tanto a Sociedade Deportiva Barallobre non poido co Rápido de Neda e perdeu nun partido emocionante. Comezou marcando o Barallobre cos goles de Alfonso de penalti e dun xogador do Neda en propia meta. Con 0 a 2 a favor do Barallobre chegouse ao tempo de descanso. Na segunda metade Pitu e Benito empataron o partido para o Neda e xa en tempo de desconto Peña deu a vítoria ao conxunto de Cocheli.