Empatía é unha pequena historia de oito minutos, con poucos pero significativos diálogos, ambientada nun territorio árido e fronteirizo e que aínda que pareza gravada no deserto de Arizona, a súa rodaxe se situou en Galicia, na zona de A Curota.

Un proxecto experimental, cunha fotografía en branco e negro, para facer máis palpable a cor branca do asasino e a negra do falecido. A película ao límite a creación dixital, facendo que a paisaxe galega pareza a dun filme americano. A curta foi realizada cunha cámara fotográfica GH1 de Panasonic, con capacidade para gravar vídeos en HD.

Empatía é a cuarta curtametraxe de Carlos Seijo. A primeira curta que realizou foi Elevation (2006), creada mentres estudaba na Universidade de Barcelona. Xa en 2007, realizou Sen escrúpulos, gañadora do primeiro premio do Festival ON&OFF A Toda Mecha Curtas Expres, organizado pola produtora Mr Misto Films. A terceira película que realizou foi Pode ser (2008) que o pasado inverno se paseou por diversos certames como o Festival Palencia Sonora, o Festival Internacional de Cine Independiente de Elche e o Festival de Cine Internacional de Ourense. Segundo Seijo, a súa última proposta está a ter tamén moi boa acollida nos festivais, tanto dentro como fóra de Galicia.