Vacacións ben merecidas teñen as xogadoras do Perlío que quedaron a un punto de clasificarse para semifinais da copa. Elas gañaron e cun resultado abultado, O Val 0- Perlío 6, pero dependían doutros resultados da xornada. Ao gañar o Rosalía, acabouse a posibilidade de entrar entre os catro primeiros equipos clasificados para semifinais. Perlío son quintas con 14 puntos, a un do Rosalía con 15. O domingo xogaron concentradísimas e non tiveron noticia dos outros resultados ata rematar o partido.

Estaban obrigadas a gañar e fixérono, afirma o técnico, Juanjo Lorenzo (na imaxe) quen está moi orgulloso do xogo do equipo nos últimos encontros. So agarda que agora siga a bonanza na liga. A lesión de Leti non é grave e agardan contar con ela pronto no terreo de xogo. Juanjo Lorenzo non se marca obxectivos pero tampouco límites. “Estar entre os tres primeiros e xogar o provincial non estaría nada mal” e engade: “Se siguen xogando así faranlle frente a calquera equipo”. O dia 15 empeza outra aventura para o Perlío feminino.