Desde a Fundación Artabria queren recuperar esta figura tradicional galega e aminorar a imposición de figuras alleas que só promoven o consumismo. Segundo un dos seus membros Nes López , o Apalpador aporta certos valores aos máis pequenos como a preocupación pola saúde e a solidariedade coa xente que está a pasalo mal.

Acompañado dos trasnos, os seus axudantes, sairá ás sete da tarde polo Barrio de Esteiro ata chegar ao Cantón de molíns este mércores. Alí repartirá castanas pilongas entre os raparigos acompañado de música de gaitas e tamborís.