ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O pleno de Cedeira bautiza como Praza 18 de decembro á coñecida Praza dos cabalos, para recordar aos veciños fusilados en 1936.
Nunha emocionante sesión plenaria do Concello de Cedeira aprobouse onte por unanimade unha Moción presentada pola Sección Local da Asociación Cultural Memoria Histórica Democrática, propoñendo nomear como PRAZA 18 DE DECEMBRO a coñecida como Praza dos Cabalos. Moción presentada en presenza de Juan Antonio Fernández Rodríguez, fillo do derradeiro Alcalde da República, Manuel Fernández Freijeiro. Lérona a súa neta Teresa Fernández e Vicente Loureiro, membros da Asociación. A Moción, en recoñecemento aos 13 veciños de Cedeira e un de Cabanas asasinados, o 18 de Decembro de 1936, no Castelo de San Felipe. (Na imaxe, momento da lectura durante o pleno)
Presentouse ao amparo da Lei 52/2007 que establece medidas en favor de quenes padeceron persecución e represión durante a Guerra Civil e a Ditadura. Representan tamén a un total de 39 veciños e veciñas de Cedeira que pagaron coa súa vida o seu compromiso democrático e a moitos e moitas máis que o fixeron con cárcere, torturas, usurpación dos seus bens, perda do seu modo de vida e marxinación social, e que foron implacablemente castigados e castigadas con crueldade inusitada todos os membros da familia, sendo privados non só dos seus seres queridos, senón das súas propiedades e medios de vida.
A lista é longa:
Enrique Alonso Teijeiro. Mestre
Adolfo Bouzón Teijeiro. Mariñeiro
Antonio Castillo Domínguez. Veterinario
José Cipriano Durán Fraguela. Labrego e 2º Tte. Alcalde
Manuel Fernández Freijeiro. Militar retirado e Alcalde
Ginés Fernández Rodríguez. Estudante e fillo do anterior.
Miguel Fernández Santos. Funcionario de Correos
Isaac Forneiro Varandela. Mestre e empregado do Banco Pastor
Antonio Iglesias Freire. Mariñeiro
José Lago Beceiro. Labrego
Concelleiro Enrique Martínez. Teijeiro Conductor de autobús
Rufino Redondo Senra. Mestre
Francisco Rodríguez. Barbeiro e Músico
Antonio Ameneiro Brage. Veciño de Cabanas
Publica o teu comentario agora