No caso dunha emerxencia, por exemplo unha mala reacción a un tratamento, un enfermeiro que atende a un doente a domicilio non pode permitirse ir ata a farmacia ou pedirlle ao doutor do paciente unha receita. Debe poder administrar unha solución no momento.

Fronte as críticas de colexios médicos que opinan que o aumento de prescritores fai aumentar tamén o risco de interacción entre medicamentos, Quintairos lembra que os estudantes de enfermería reciben a mesma formación farmacolóxica que os doutores, e máis que os dentistas.