Disputouse o único encontro adiantado a esta xornada na Segunda Autonómica.O UD Somozas B de Óscar Branco e o Narón Balompé B de Juan Carlos Gundín, fronte a fronte. En liñas xerais,a primeira metade só tivo unha cor. Xogouse case ao 100% no campo do UD Somozas B, que se defendeu como puido cunha gran dureza. Nesta metade, o Narón B deixou escapar a vitoria, ao ter varios xogadores como Koki, Icaro, Álex,... ocasións moi claras de marcar gol (postes incluídos). Na segunda metade, o conxunto local espertou do seu letargo e empezouse a gustar. As cousas igualáronse e, tras un lanzamento de falta feita por Fran Salazar ao tocar un balón coa man, Santi facía o único gol do partido no 68´. A partir de aí, o Narón Balompé tentouno por activa e por pasiva, pero non fué capaz. Finalmente, a sensación de que o Narón B deixou escapar tres puntos moi importantes.Esta era a impresión que predominaba na expedición azul que dirixe Gundín.