O concelleiro de Obras e Servizos, Antón Noceda, vén de informar de que hoxe mesmo o seu departamento preparará un plan de actuación urxente cos técnicos de Viaqua e os do Concello de Fene para acometer esta mesma semana o arranxo integral da rede. As obras que solucionarán o problema de xeito definitivo comezarán de inmediato e provocarán novos cortes, pero serán as últimas molestias que sufrirá a veciñanza, á que o concello pide desculpas polas molestias que están a padecer.