A primeira recomendación médica é evitar no posible as aglomeracións de xente, evitando acudir a locais onde se reunen moitas persoas ou utilizar mascarilla, tamén evitar as viaxes en transporte público de cercanías e calquera viaxe prescindible, segundo indica a doutora Carmen Carballo. E por suposto, matiza Carmen Carballo, intensificar a hixiene persoal e do medio onde nos movemos. Carballo ponnos dous exemplos sinxelos e moi pŕacticos. Limpar con maior esmero os xoguetes dos máis pequenos e lavar as mans ben lavadas.

Protexer á poboación máis sensible, aos grupos de risco e nomeadamente ás persoas maiores. Radio Fene comezará ás once desta mañá un programa especial que repetiremos todos os días laborabeis nas vindeiras duas semanas. Radio de servizo público, de información á cidadanía da comarca e tamén de acompañamento. Pódese seguir de once da mañá a unha do mediodía no 107.7 da FM e tamén na web www.radiofusion.gal