Estamos diante do libro máis doce de toda a saga do programa LARPEIROS da Televisión de Galicia. Recolle algunhas das sobremesas do popular programa e outros moitos doces, madalenas, biscoitos, cremas, roscóns...Ademais de ricas, todas as receitas son sinxelas e divertidas de facer na casa.

O público asistente non só vai poder gozar da palabra da autora que nos confesará algúns segredos de reposteira e o por que da súa paixón por este estilo de cociña; ademais, deixaremos o padal contento ao ver, cos nosos ollos, e saborear, nas nosas bocas, algúns dos dóces que a reposteira nos ofrecerá.