Queremos escribir o noso futuro

Queremos escribir o noso futuro

03 de Setembro, 2015 - 12:00 h. | Publicada por Radio Fene

Unhas 500 persoas apoiaron ao plantel do xornal Diario de Ferrol na súa protesta polos despedimentos de duas xornalistas e polo ERE que mantén en vilo aos seus traballadores dende hai dous anos. Unha manifestación partíu onte á tarde da sede do Diario de Ferrol, na rúa Galiano en dirección á Praza José Couso, onde rematou. O alcalde de Ferrol e representantes do PSOE e BNG na corporación municipal secundaron a protesta.

Un dos xornalistas do Diario de Ferrol reclamou á empresa “Editorial La Capital” responsabilidade, un plan de viabilidade que asegure o futuro desta cabeceira nacida en 1998 e que pague os salarios que lles adebeda.
Moitos veciños e veciñas, a título individual, manifestaron a súa solidaridade cos xornalistas e reclamaron a continuidade do periódico moi “querido e necesario” na cidade. Os traballadores e traballadoras do diario viven hoxe o segundo día de folga.

Sociedade
  • 60 lecturas