Milleiros de persoas, 40.000 segundo os convocantes, secundaron a manifestación contra as últimas medidas do goberno en Ferrol. O máis chamativo da mobilización foi a pluralidade de sectores que reuníu, dende estudantes, desempregados, mestres, funcionarios da Armada e empregados públicos en xeral. Senón a máis, posiblemente fose a segunda manifestación máis grande dos ultimos anos en Ferrol. Iso dá idea da indignación dos ferroláns, como quedou patente nos berros proferidos durante a marcha polas ruas de Ferrol, na que os manifestantes citaron entre outros á deputada Fabra, á Igrexa e ao presidente  Rajoy.

Cando a cabeza da manifestación chegaba ao remate, na Praza de Armas, a cola aínda enfilaba a Praza de España, despois de virar en Amboaxe. Iso dá a medida da contestación da comarca de Ferrol ao goberno de Rajoy, do que se pedíu a dimisión. O escritor Antón Cortízas leeu o manifesto asinado polas catro centrais convocantes. O momento máis aplaudido por unha Praza de Armas desbordada de manifestantes, foi a crítica dos aplausos dos deputados do PP no Congreso cando Mariano Rajoy anunciou que se reducían as prestacións aos desempregados.
Os empregados públicos quedaron citados para unha nova contestación o dia 30 deste mes de xullo e, no aire, quedou a convocatoria dunha posible folga xeral para setembro.