ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Xurxo Fernandes e Quique Peón, cantantes e percusionistas de Radio Cos, son dous referentes no eido da investigación etnográfica en Galicia. As melodías utilizadas neste proxecto compartido pertencen aos seus arquivos de gravacións de campo, traballo que levan facendo por todo o país desde hai máis de tres décadas. Unha escolma desa tarefa transformouse nun disco homónimo editado en maio de 2013
Hai dez anos que Radio Cos percorre escenarios en Bélxica, Inglaterra, Escocia, Bretaña e Galicia transmitindo o seu modo de entender a nosa música tradicional. Na súa proposta hai música de raíz que mestura a sonoridade máis arcaica con elementos tirados da propia tradición e melodías alleas que gardan relación co país. A banda que acompaña a Fernandes e Peón confórmana tres prestixiosos músicos: Pedro Lamas na gaita e saxo soprano, Nikolay Velikov no violino e Xan Pampín no acordeón. A música de Radio Cos quere mostrar a invisibilidade que sufren as culturas minorizadas a pesar de estar aí, de arrodearnos, de ser verdades manifestamente palpábeis.