Juan Fernández Vila morreu en Maniños en 1967. Nos anos vinte montara un aserradeiro de madeira, a nave de Marracoi. Fernández Vila era un emprendedor ou aventureiro empresarial. Ademais da fábrica de Maniños, tiña lanchas da langosta, lanchas da area e tamén entrara como socio nun cine en Ares. Falamos de Juan Fernández Vila, Marracoi.

Juan Fernández Vila naceu no Bon Xesús en Barallobre entre 1890 e 1892. Moi novo emigrou a Arxentina donde se empregou na empresa "La Hamburguesa". A pesar de non saber nadar, exerceu de contramestre nun buque de cabotaxe. El xa tiña irmáns na Arxentina. Na Primeira Guerra Mundial prendéronno os ingleses e esitvo preso nas Illas Malvinas. Volveu a Maniños, buscou moza e casou con Francisca Vizoso Saavedra. Entrou a rexentar en sociedade a carpinteria de Marracoi. 

A nave de Marracoi traballou como aserradeiro desde 1920. Mäis tarde especializouse en portas. A maior parte das vivendas da zona nova de Santiago levan portas de Maniños. Comercializabanse co nome de Portas Meta, a porta de Galicia. O fillo de Juan Fernández Vila, Juan Fernández Vizoso “Juanin” tiña un contacto cun constructor de Santiago e a través del abasteceu unha boa parte do Ensanche compostelán. Sobre as portas falaremos mañá martes en Radio Fene. Na Fenestra, a partir das once da mañá. De portas de madeira, e de portas metálicas.. Da fábrica de portas de Maniños. Das portas de hoxe, nunha vivenda nova. Mañá Radio Fene, coas portas abertas, desde as 11 da mañá no 107.7 da FM.