Reclaman a dimisión de directivos do Banco Gallego

Reclaman a dimisión de directivos do Banco Gallego

11 de Outubro, 2011 - 12:00 h. | Publicada por Radio Culleredo

A CIG reclama a dimisión inmediata dos altos cargos do Banco Gallego procedentes de Caixanova, vinculados ao escándalo das indemnizacións e que continuan no Consello de Administración do BG. Segundo a central nacionalista pola cúpula da entidade bancaria pasaron ou ainda están presentes Julio Fernández Gayoso, José Luis Pego e Oscar Nelson Rodriguez Losada.

A Confederación rexeitou o Expediente de Regulación de Emprego acordado entre a dirección da empresa, CCOO e UXT, que implica a “deslocalización dos servizos centrais cara Madrdid, a extinción de 99 postos de trballo e a mobilidade xeográfica obrigatoria para 145 persoas”. O Banco Gallego está participado nun 49% por NCG banco.

Investigacións

A Fiscalía Anticorrupción podería investigar as indemnizacións millonarias a directivos das Caixas de Aforro. Xa abriu de oficio dilixencias de investigación arredor de Caja Mediterraneo. As indemnizacións multimillonarias provocaron un forte escándalo en Novacaixagalicia, onde 4 antigos directivos recibiron indemnizacións e pensións por 40 millóns pese a ter levado á entidade á nacionalización ante a súa falta de solvencia.

Institucional