A Rede dos dereitos sociais de A Coruña fai fincapé na falta de participación e debate cidadán nun PXOM,  pechado. Denuncia a desatención do tecido produtivo e das estructuras comerciais deixando de lado o pequeno comercio. Tampouco se regula o futuro da área portuaria, que “se atopa baixo un proceso especulativo" segundo denuncian. Asemade destacan que este plan favorece respecto á mobilidade ao sector privado sen primar o tráfico peonil.

Esta plataforma, sen intereses partidistas nin mediáticos, formouse hai dous anos  e traballa desde o pasado ano recabando información sobre o PXOM. Funcionan en clave de cooperativa e “a favor da cidade”.

Mostra deste esforzo son as alegacións  que veñen de presentar nas oficinas municipais. Unhas alegacións que difudirán entre a cidadanía e nas que sobrancea a necesidade da participación dos vecinos e veciñas de A Coruña nun tema que os afecta directamente e dos que deben ser os protagonistas, sinalan desde a rede.