Unha decisión que segundo o rexedor local afecta a 80.000 persoas, xa que esta estación está pensada para un área moito mais ampla que o propio concello e que iría dende Mos ata Soutomaior, Pazos de Borbén, Fornelos ou Ponteareas.

A nova estación ubicaráse na zona dos Eidos, lugar no que nun principio estaba previsto construir un apeadeiro. Estará dotada de diferentes servizos, contará con billeteira e tamén cun aparcadoiro con 70 prazas.

Aínda que non hai prazos, Rei confía en que esta estación sexa unha realidade no ano 2013. A súa construcción suporá a eliminación dos apeadeiros existente en Chapela, Cesantes e A Picota, mentres que a estación actual transformarase en taller.

O Eixo Atlántico por tren e a autovía por Peinador, a polémica alternativa 5, suporá para o alcalde “un antes e un despois nas comunicacións da comarca”. Unhas infraestructuras que permitirán “desconxestionar o tráfico na AP-9, o que evitaría ter que ampliar a autoestrada con máis carrís, e diminuirá o tráfico nas estradas nacionais”

Altercados no pleno

Xaime  Rei aproveitou tamén para cargar contra os que o mércores interrompiron a sesión plenaria. Tachou a eses veciños de “antidemocráticos” e reiterou unha vez máis o seu respaldo sen paliativos á conexión da A-57 entre Vilaboa e o aeroporto de Peinador.

Aventurou incluso que os últimos movementos feitos por Fomento están encamiñados a retardar a A-57 co que se abre unha porta a que se elimine esta autovía “non así a conexión con Peinador que ten o respaldo de todos”.