Os interesados poderán entregar durante este período as súas propostas de receitas nas urnas que disporá o Concello nestes mercados. Expertos cociñeiros e nutricionistas formarán parte do xurado que elixirá aos gañadores. Ademais editarase unha publicación coas receitas seleccionadas e o autor/a da mellor receita recibirá un agasallo, aínda por definir. 

No marco desta campaña de promoción da lingua galega nos mercados, celebrarase un curso de lingua e atención ao público para os vendedores e vendedoras de A Magdalena, Recimil e Caranza. A súa finalidade é dotalos de autonomía lingüística, tanto escrita como oral, no desenvolvemento do seu traballo e trato coa clientela. 

A campaña En Galego, con moito gusto, desenvólvese nunha primeira fase ata o 5 de xaneiro con accións de información e promoción dos mercados e a entrega de agasallos aos clientes.