Ás 17:30 horas está previsto o comezo do 8º Congreso do PP de Ferrol coa benvida aos asistentes e a constitución da mesa. Dúas comunicacións sobre políticas de benestar a primeira, e economía, emprego e política industrial, a segunda, precederán á elección do novo presidente do PP de Ferrol. Para iso, os afiliados da formación popular na cidade disporán de case unha hora para exercer o seu dereito ao voto, desde as  18:15 horas até as 19 h. O novo presidente do PP na cidade coñecerase ao fío do sete e media da tarde, que será tamén cando de comezo o acto de clausura, no que intervirán Alberto Núñez Feijoo e Carlos Negreira.

Rei Varela lograba quintuplicar o número mínimo de avais esixidos para poder optar a presidir ao PP de Ferrol, ao conseguir máis de 300 avais. En canto ao equipo que acompañará a Rei Varela nesta nova etapa coñecerase tamén momentos antes da celebración do cónclave, deberá de estar formada, polo menos, por un presidente, un secretario, un vicesecretario e 22 vogais.