Na categoría feminina as redondeláns foron as encargadas de marcar o ritmo e desde os primeiros minutos conseguindo avantaxar as súas rivais con diferenza. A embarcación do Chapela entrarían na liña de meta dez segundos por diante de Cabo de Cruz, que sería o segundo clasificado e once sobre o Sambertolomeu, que ocupou o terceiro lugar. A cuarta e quinta posición para a categoría feminina, correspondeulle ás remeiras do clube de Bueu e Mecos. Nas outras dúas categorías, na xuvenil masculina e na absoluta, Redondela non tiña representación, despois de que os remeiros de Chapela, de ambas categorías, quedaran descualificados a pasada semana na fase final deste campionato ao ocupar o quinto lugar. En xuvenil foron os remeiros de Cabo de Cruz os que conseguiron o título. Na segunda posición atopamos ao Vilaxóan e na terceira ao Mecos. Na categoría absoluta masculina serían os remeiros dos Remedios os gañadores do campionato de Galicia, seguidos do Cabo de Cruz e o Samertolomeu.