O queixo O Mouro de Campo Capela recibiu unha medalla de ouro no concurso World Cheese Awards 2018 ao que se presentaron case 3.500 variedades. Ë o quinto premio que recibe desde que se produce hai case catro anos. É un queixo semicurado con infusión de café e canela. Elaborado con leite crú e con todas as garantías sanitarias pero conservando tamén o sabor máis puro.

O requeixo é o segundo produto que aparece no catálogo da cooperativa, pero tamén venden queixo fresco, tenro, de inverno, tetilla, con chourizo celta, con herbas aromáticas, manteiga, licor de requeixo e mermeladas artesás. “O requeixo ten menos graxa que o queixo fresco de Burgos” asegura a responsable comercial da cooperativa Campo Capela Ana Vence.

A cooperativa Campo Capela cumpre 50 anos neste 2019 e no verán celebraranno de xeito especial. Situada na contorna do Parque Natural das Fragas do Eume, recolle leite de vacas alimentadas cada dia con herba verde, que pastan e pasean polos prados e voltan á corte para descansar.