Rosalía de Castro de festa

Rosalía de Castro de festa
06 de Xuño, 2019 - 01:11 h. | Publicada por Radio Fene

O libro de banda deseñada “Rosalía de festa” preséntase mañá venres no Colexio A Xunqueira de San Valentín en Fene. Anxos García Fonte e Carlos Sardiña falarán para quinto e sexto de Educación Primaria. Anxos García Fonte explicará a relación de Rosalia de Castro coa comarca de Ferrol. Carlos Sardiña debuxará e dará conta das diferencias entre cómic, novela gráfica e banda deseñada.

Anxos García Fonte e Carlos Sardiña no Seixo (Mugardos)

Rosalía de Castro (Santiago de Compostela, 1837 - Padrón, 1885) incluiu na segunda edición do libro Cantares Gallegos, o poema que comeza: “Se a vernos Marica, nantronte viñeras, á festa do Seixo na beira do mar, ti rirás Marica, cal nunca te riches, debaixo dos pinos do verde pinar”. Os autores defenden que Rosalía visitou O Seixo (Mugardos) convidados polos donos da fábrica de tecidos que daquela funcionaba no lugar do Xuncedo. A presentación do libro, mañá venres ás 12,30 do mediodia na biblioteca do Colexio A Xunqueira de San Valentin. O libro está editado a toda cór e con tapa dura.

Cultura

Publica o teu comentario agora