ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Rosalía de Castro naceu tal dia coma hoxe, de 1837, nunha casa de Santiago de Compostela, unha vivenda que daquela pertencia ao Concello de Conxo. A súa obra en conxunto reúne un gran valor estético, capaz de comprender a natureza do xénero humano. Sn moitos os estudosos da súa obra. Rescatamos referencias dalgúns deles.
Coa obra de Rosalía de Castro, Galiza quedou inscrita no censo dos pobos do mundo con honrosos sinais de identidade. Para Carvalho Calero, o seu libro Cantares Gallegos, a obra prima do Rexurdimento, dotou a Galiza dun documento nacional de identidade, en palabras de Ricardo Carvalho Calero.
Outro estudoso da literatura galega, Xesús Alonso Montero, referíase a Rosalía de Castro cun verso de Curros Enriquez porque afirma que "define á escritora mellor que calquera estudo filolóxico" .
A biógrafa de Rosalía María Xesús Lama referiuse en Radio Fene á intensa correspondencia entre Rosalía de Castro e Manuel Murguía. Moita dela non se coñece pero sería interesantisimo coñecela para descubrir a súa opinión da literatura da época e tamén as súas relacións de parella.
“Rosalia de Castro era firme defensora da existencia do pobo galego, pero tamén estaba obsesionada con poder vivir da literatura” afirma o profesor Francisco Rodriguez estudoso da obra de Rosalía. Pero a produción de Rosalía ofrece asimesmo simbolismo e alegoría da reivindicación de Galicia, segundo Rodriguez que tamén critica que a súa persoa e a súa obra non son asumidas como unha gran figura da cultura, por sectores academicos. Unha situación calamitosa desde o punto de vista económico fai que os últimos momentos da vida de Rosalía de Castro sexan de moita tristeza. "Ela tamén é consciente de que Galiza pode desaparecer, pode morrer" afirma.
(Na imaxe, Mª Xesús Lama e Anxos García Fonte, no banco adicado a Rosalía no Monumento ao camiñante descoñecido).
Publica o teu comentario agora