O ex alcalde de Negreira Xosé Manuel López Tuñas lembrou nos micrófonos de Radiofusión as orixes desta proba. A Asociación Veciñal do Tambre, a asociación cultural Alfonso Eans e a Sociedade Deportiva Negreira organizaran a primeira carreira, como un acto lúdico e reivindicativo.

Naquela ocasión chovera moito, pero foi unha festa moi bonita coa colaboración de moita xente de Negreira, segundo o ex-rexedor. A segunda edición organizouna a comisión de festas, e na terceira a organización xa correu a cargo do Concello.