ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O aumento de tranquilizantes é unha das secuelas sociais que nos deixou a crise sanitaria da Covid19 porque non todas as persoas temos a mesma tolerancia fronte ao medo e a incerteza.
A incerteza, o medo e o contacto directo co coronavirus provocaron o aumento do consumo de tranquilizantes. O psicólogo José Barcia constata que isto é así, pero que ten que ver ademais con outras cuestións como perder a familiares a causa da Covid19 ou estar estreitamente ligado á enfermidade, como foi o caso dos profesionais sanitarios e dos corpos de seguridade do estado. “Moitas persoas tiveron que recorrer aos tranquilizantes a causa do desasosego e o malestar” Barcia explica que a causa é que o ser humano está necesitado de certezas que, ao fin, non son máis que unha ilusión. E ponnos os exemplos do desexo de ter un traballo estable, unha parella estable, unha casa…”Todo está no ar. Nada diso te asegura nada nin te da a felicidade”
Reitera o psicólogo que o medo é unha emoción básica de supervivencia e que non todas as persoas temos a mesma tolerancia ao medo e á incerteza, por iso algunhas persoas buscan atallos e un deses atallos son os estereotipos. “O estereotipo é unha mentira que pode levarnos a cometer erros” Por iso Barcia danos tres recomendacións básicas; aceptar as emocións, facer un esforzo de introspección e controlar o presente. Como colofón, seguir aproveitando o exterior para facer exercicio físico porque aí recibiremos estimulacións para estar mellor de corpo e mente. “Camiñar, trotar, axuda a nivel psicolóxico” .
(Na imaxe, acto celebrado o domingo no Paseo Marítimo Bieito Cupeiro. Fene)
Publica o teu comentario agora