Santiago e Vigo contra a desaparición dos partidos xudiciais

Santiago e Vigo contra a desaparición dos partidos xudiciais

08 de Abril, 2014 - 12:00 h. | Publicada por Radio Redondela

O alcalde de Vigo Abel Caballero (PSdeG - PSOE) e o de Santiago de Compostela Angel Currás (PP) manifestan a súa decisión de defender o mantemento dos seus municipios como cabeceiras de partidos xudiciais. O anteproxecto da Lei Orgánica do Poder Xudicial -aprobado o venres no Consello de Ministros-  propón o establecemento de tribunais uniprovinciais, radicados nas capitais de provincia, que absorberían boa parte dos asuntos que agora se tramitan nas cabeceiras

O alcalde de Santiago de Compostela, Anxo Currás (PP), mostrouse disposto a falar "co Goberno central e con quen sexa" para defender a demarcación xudicial e que non se lesionen" os intereses da capital galega.

   Así o manifestou, en declaracións aos medios tras a reunión do consello de administración do Consorcio de Santiago, nunha rolda de prensa na que sinalou que o partido xudicial de Santiago abarca 26 municipios e 274.000 habitantes.

   Do mesmo xeito, o rexedor compostelán salientou que a demarcación ten unha carga de litixiosidade importante e que, por tanto, "está ben dimensionada".

   Á marxe, sinalou que o partido xudicial de Santiago é un "dinamizador económico" da capitalidade e insistiu en que está constatado que a súa dimensión é "adecuada".

   "Quero coñecer o alcance da medida para despois pronunciarme respecto diso, pero non imos apoiar ningunha decisión que non defenda os intereses de Compostela", comprometeu, ante a lei estatal de reforma dos partidos xudiciais.

Sociedade
  • 182 lecturas