As accións que se levaron a cabo comprenderon a reconstrución dunha "mámoa", así como distintos xogos educativos e a visita ás case finalizadas obras da vivenda bioclimática.

O Día Mundial da Terra, que xa vai pola súa edición número 40, comezou o 22 de abril de 1970, e foron 20 millóns de persoas as que celebraron por vez primeira esta data. Desde entón, ano tras ano, celébrase este evento en distintos países do mundo. Un dos seus obxectivos é que se tome conciencia da repercusión das actividades humanas no medio, fomentando a reflexión e as accións individuais e colectivas, encamiñadas a un uso responsable e eficiente dos recursos enerxéticos de cara a posibilitar un desenvolvemento sostible do Planeta Terra.