“Conseguiuse reducir a siniestralidade viaria dos máis novos e agora non se poden dar pasos atrás”, afirmou Jeanne Picard nos micrófonos de Radiofusión. Na súa opinión, os argumentos a prol do Noitebús non só son sociais, senón mesmo económicos: “Non podemos valorar canto vale unha vida, pero si sabemos canto custa un ferido grave ou unha lesión irreversible, polo que resulta evidente que a mellor solución pasa por previr os accidentes”.

A vicepresidenta de Stop Accidentes asegurou que van presentar “unha serie de ideas” á Xunta de Galicia para intentar “co esforzo de todos” que se manteñan as liñas de buses que desprazan os máis novos ata as zonas de lecer nocturno.