Suspéndense as clases mañá luns pola chegada dun novo temporal

Suspéndense as clases mañá luns pola chegada dun novo temporal

08 de Febreiro, 2009 - 12:00 h. | Publicada por Radio Eume

A Consellería de Educación e Ordenación Universitaria decidiu esta tarde suspender as clases en todo o ensino non universitario en Galicia, diante dun aviso de temporal e alerta laranxa decretada por Protección Civil. Suspéndense as clases e actividades educativas programadas para a xornada de mañá luns, se ben nos centros permanecerá o persoal que informe ao alumnado e profesorado da decisión adoptada.

A alerta laranxa manteráse desde as 8 da mañá e permanecerá activa durante toda a xornada. Segundo o pronóstico de Meteogalicia, espéranse refachos de vento entre 120 e 140 quilómetros por hora entre as 10 da mañá e as oito da tarde, na costa entre Fisterra e Viveiro e nas zonas altas do norte de A Coruña e Lugo. Un centro de baixas presións moi profundo provocará esas incidencias.
Sociedade