ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O Concello de Ordes ten preparado para mañá martes 8 de marzo, dentro do programa de actividades elaborado con motivo da celebración do Entroido, unha gran “Tarde de Entroidada” dirixida aos máis pequenos do municipio.
A festa terá lugar na Alameda de Ordes a partir das 16:30 horas, onde os nenos e nenas ordenses poderán disfrutar de infinidade de obradoiros, entre eles, os de maquillaxe, disfraces, globoflexia, ademais de xogos cooperativos e animación de rúa. En caso de choiva a festa realizarase no Pavillón Campomaior.
Dende o Concello de Ordes animan a todos os veciños e veciñas a que sexan partícipes desta festa e saquen os disfraces á rúa para disfrutar desta gran “Tarde de Entroidada”.
Últimos días para inscribirse no concurso de disfraces
Por outra banda o día grande da festividade do Entroido en Ordes será o vindeiro sábado 12 de marzo, Sábado de Piñata, co tradicional desfile e concurso de disfraces para nenos e maiores. A partir das 17 horas dará comenzo o desfile dos disfraces polas principais rúas do pobo ata o campo da feira, onde se celebrará o concurso.
Un concurso no que haberá diferentes categorías, a de carrozas, a de comparsas infantís e de adultos, e a individual tamén diferenciada entre nenos e maiores, e no que se repartirán en total máis de 4.000 euros en premios.
Os interesados/as en participar no concurso deben realizar a súa inscrición no departamento de Cultura e Deporte do Concello de Ordes en horario de 9 a 14 horas, ou ben chamando aos teléfonos 981680002/ 981680157. O prazo para inscribirse remata o vindeiro mércores 9 de marzo.
Dende o goberno local ordense, o alcalde, Manuel Regos, anima aos veciños e veciñas, así como a visitantes a que participen nesta festa adicada ao entroido que, co éxito de ano tras ano, se ten convertido xa en todo un referente na comarca.