Tras esta primeira concentración os traballadores encabezaron unha marcha ata o supermercado Gadis situado na Avenida de Esteiro. Os traballadores concentrados portaron unha pancarta có lema Por un convenio digno !malo será! en clara alusión irónica á campaña publicitaria que está a desenvolver a cadea de distribución Gadisa. Os representantes sindicais suliñaron a importacia que estas movilizacións teñen na nosa comarca pois nunca ata o de agora se tiñan convocados paros neste sector.As centrais sindicais UGT, CCOO e CIG convocaron de xeito unitario estas protestas para reclamar un incremento salarial superior ó 1 por cento ofrecido pola patronal do sector que baralla incluso a posibilidade de conxelar os salarios dos traballadores para os próximos tres anos.Os sindicatos reclaman para o novo convenio colectivo nas provincias de A Coruña e Pontevedra unha suba de 55 euros mensuais, algo que, en palabras do responsable da UGT neste sector, Álvaro Cagigal, sería o máis acorde có índice de incremento salarial en Galicia situado non tres con coarenta e cinco por cento nestes momentos. Outra das reivindicacións refírese ás categorías profesionais deste sector que en opinión dos sindicatos seguen sendo moi baixas e cunha responsabilidade maior en relacción ós salarios que perciben, polo que solicitan unha regulación máiis precisa neste apartado. No referido á xornada laboral, establecida agora mesmo en 1812 horas anuais, as centrais sindicais solicitan é patronal unha rebaixa mínima de 30 horas ó ano, é dicir que a xornada quedaría establecida en 1780 horas. A nivel rexional os sindicatos celebrarán tamén hoxe unha concentración perante o centro de distribución de Gadisa no polígono de Piadela (Betanzos) e no polígono industrial de Poio nas instalacións da cadea de supermercados Froiz. As protestas continuarán ó longo desta semana con diferentes concentracións ás portas dos establecementos. Finalmente se as negociacións non se desbloquean perto de 30.000 traballadores están chamados a participar nunha folga deste sector prevista para o vindeiro venres día 27. O peche afectaría as empresas de distribución como Gadisa, Froiz, O Arbol, Lidl, Hiperxel así como a tendas minoristas e distribuidores a menor escala. Outras como Dia, Mercadona ou Eroski teñen o seu convenio de empresa a nivel estatal polo que non participan nesta negociación. Do mesmo xeito se o conflicto non se solucionase logo destas movilizacións as centrais sindicais anunciaron a convocatoria dunha folga indefinida prevista para o vindeiro día 9 de decembro.