Harina y Brasa abría as súas portas a comezos de xullo no Puntal, en Neda. Este novo local ofrece servizos variados, dende almorzo ata comidas e ceas. Ademais das pizzas caseiras, tamén preparan churrasco. “Temos unha carta un pouquiño variada” sinala o xerente do local, David Sanjurjo.

Pensaban abrir en marzo, xusto antes da declaración do estado de alarma. Afortunadamente aínda non deran coa fórmula desexada da masa das pizzas, polo que tiveron que retrasar a apertura. Ao final, iso viulles ben porque evitaron un periodo de gastos fixos e sen ningún ingreso. Fixeron unha reforma completa no interior, pero apostan sobre todo pola ampla terraza, o cal foi todo un acerto.

O horario de cociña comeza ás 13.00h e remata ás 15.30h para comidas. Polas tardes dende as 20.30h ate as 23.30h. De martes a venres contan con menú do día. Pódese consultar a carta na súa web harinaybrasa.com.