A “Noite Meiga” rematou en traxedia en Labañou. Un dos participantes na festa, César Pires, de 22 anos e de orixe brasileira, faleceu ao caer nunha fogueira que os veciños da barriada acenderan nun escampado próximo á rúa do Pino . «Fixemos varias fogatas, dúas ou tres para os nenos, para que puidesen saltalas e achegarse, e a grande», explicaba un dos consternados organizadores. Foi precisamente na de maiores dimensións onde se produciu a traxedia. Ao redor das doce da noite acendeuse esta fogata e pouco despois César Pires intentou saltala. «Tropezou cun sofá que había alí e quedou encastrado», explicaba un dos veciños do barrio que intentaron salvalo. Foron tres mozos que se atopaban nas inmediacións os que se lanzaron de inmediato a socorrelo, pero non puideron facer nada.