O colectivo animal, definido por algúns críticos como o conxunto máis renovador do pop no século XXI, algo así como os Beach Boys con ordenadores e sintetizadores, facturou “Merriweather Post Pavillion”, un disco que será fixo nas listas dos mellores do ano. Hai nel unha música chea de coros e ruidiños de indistinguible procedencia pero que Panda Bear axuda a transformar en melodías cheas da luz que reflicten as augas do Teixo. Entre a Alfama e o Chiado, o exótico oso panda atopa o mellor escenario para garantir a supervivencia da música inspirada: unha especie en perigo de extinción que pasea en liberdade por Lisboa.