A edil de Cultura, Mercedes Carbajales,  destacou a idoneidade de programar un curso destas características en Ferrol, tanto pola extraordinaria riqueza patrimonial da cidade como polo momento actual, no que a urbe naval aspira á declaración de Patrimonio da Humanidade. Vai dirixido aos estudantes universitarios, profesionais e cidadáns en xeral que desexen aproximarse aos diferentes tipos de bens culturais e técnicas específicas do estudo. O prazo de inscripción está xa aberto e pode formalizarse na propia sede do curso (Aula da UNED de Ferrol, na rúa María 52-54; tlf: 981.36.40.26).

Os ponentes serán tanto docentes universitarios como profesionais especialistas en Patrimonio. En moitos casos, cunha estreita vinculación á cidade. No nome da UNED, Susana Blanco agradeceu especialmente a relación de colaboración entre o Concello e a institución que dirixe e asegurou que se decidiron a celebrar o curso en Ferrol por dous motivos fundamentalmente, polo incremento da matriculación na UNED neste curso respecto ao anterior, cun aumento do 30% e un total de 595 estudantes. En segundo, lugar, polo magnífico patrimonio de Ferrol e a posibilidade de dalo a coñecer. O curso oferta prazas. 

Susana Blanco anunciou que a fluída colaboración entre ambas institucións permitirá que a UNED abra o próximo curso a súa Biblioteca en Ferrol. Unhas instalacións que darán servizo tanto aos propios alumnos e alumnas como á cidadanía en xeral.