ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O auditorio do centro cívico e cultural de Arteixo acolle os sábados deste mes as segundas xornadas sobre patrimonio cultural local que organiza a Asociación Monte da Estrela. Unha proposta para concienciar da importancia da conservación do patrimonio cultural. As charlas arrincarán este sábado ás 16.00 horas con dúas ponencias que, xirarán arredor do patrimonio arqueolóxico, impartidas polo profesor da Universidad de Santiago, José
As conferencias versarán sobre as estratexias de conservación, prevención e posta en valor dos xacimentos castrenses e as vías romanas. O sábado 13 de novembro, falarase sobre o patrimonio etnográfico onde se afondará na dinamización dos oficios artesáns tradicionais do Eume. A terceira xornada adicarase ao patrimonio inmaterial que se centrará na importancia da lingua galega. O patrimonio natural será o eixe da última xornada do 27 de novembro. Tratarase sobre o presente e futuro da conservación da natureza en Galicia.
A Asociación Monte da Estrela xurdiu ante a inxente industrialización que está a sufrir Arteixo nos últimos anos. Segundo unha das organizadoras das xornadas, Verónica Blanco, o patrimonio de Arteixo é para moitos descoñecidos. “Arteixo son 13 parroquias e, quitando os puntos industrializos, o resto é fundamentalmente rural. Estamos para difundir esta realidade”, declarou.