ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A Deputación da Coruña entregou na Biblioteca Provincial os premios aos gañadores do V Concurso de Viñetas para a Igualdade convocado baixo o lema “Dá igual? Igual non dá”. Os gañadores Cristian Fojón Caruncho, Noelia Justo Fernández e Pedro Bouza Bernárdez, recibiron das mans do presidente da Deputación, Diego Calvo, os seus obsequios, unha tableta electrónica e unha colección de libros de banda dese
O titular provincial salientou a “calidade artística” dos gañadores, que xa resultaron finalistas en anteriores ocasións. O primeiro seleccionado, Cristian Fojón, estudante de Ortigueira de 17 anos, quedou en segundo lugar no 2012 e en primeiro no 2011, mentres que Pedro Bouza, hoxe con 15 anos e veciño de Culleredo, obtivo o primeiro premio no ano 2012. A novidade deste ano foi Noelia Justo, de 18 anos e veciña da Coruña.
Esta quinta edición bateu o récord de participación ata o momento ao multiplicar por cinco os traballos recibidos. En total presentáronse 162 obras nas que participaron 214 persoas e das que se seleccionaron 32 finalistas e, entre eles, os gañadores. Todas elas poderanse ver durante os próximos días na biblioteca provincial, nunha exposición creada pola “cantidade e calidade técnica dos traballos” así como polas “boas mensaxes que transmiten no que respecta á educación en igualdade”.
O obxectivo deste certame, convocado con motivo do Día da Muller, é concienciar ao alumnado na necesidade de cambiar os valores e modelos no ámbito educativo para conseguir unha igualdade de xénero real.