Mariscadores e mariscadoras manteñen o seu peche no salón de plenos da Casa do Concello de Fene. Esperan que hoxe o Consello da Xunta aprobe parte dos pagos pendentes que se poderían facer efectivos nos primeiros dias da vindeira semana. De non ser así, endurecerían as accións, segundo a patrona maior de Barallobre, Virxinia Souto.

Visita de Francisco Jorquera

Onte recibiron o apoio dos sindicatos, diferentes entidades sociais e dos partidos políticos, cos que protagonizaron un novo corte de tráfico de cinco minutos a media tarde. Este mediodía achegouse á ao peche do colectivo o deputado do BNG no congreso, Francisco Jorquera quen lles informou que o bloque fará unha enmenda aos Orzamentos do estado para que se adique un maior esforzo económico á depuración da ría, orixe de todolos males do colectivo.