A choiva caida a primeiras horas da mañá desluciu a saida da etapa e obrigou a trasladar as actividades previas de Fene para As Pontes. Minutos antes da saida, Enrique Salgueiro manifestou a Radiofusión, o seu desexo de conservar a ventaxa de 2 segundos e gañar a proba. Con respecto ás precipitacións Salgueiro indicou que en Galicia xa se sabe. De todos os xeitos, os ciclistas rodan incómodos e para eles foi un dia complicado. A concelleira de Deportes de Fene Carmen Silvar laiouse da auga que impediu celebrar esta mañá actividades promocionais da bicicleta. Sinalou que para o ano que ven se vai intentar que a meta dunha etapa se situe en Fene.