Feijóo prometeu cinco leis anticorrupción en 50 días. O presidente da Xunta, Alberto Núñez Feijóo, anunciou a súa intención de impulsar cinco leis galegas anticorrupción e a favor da transparencia que incluirán 50 medidas e estarán listas para a súa tramitación parlamentaria en 50 días. Para a súa aprobación, asegurou que desexaría contar co respaldo e as "achegas" da oposición, pero tamén deu por feito que, se non o ten, actuará igualmente para lograr a "exemplaridade" da comunidade.