11.208 veciños e veciñas de Fene poderán exercer o seu dereito ao voto o domingo. Esa é a cifra que marca o censo electoral fenés, distribuido entre once colexios electorais e 18 mesas. A Casa da Cultura de Fene acolle o maior número de mesas, catro en total, seguida do colexio Centieiras de Perlío con tres. E dúas teñen o colexio A Xunqueira de San Valentín e O Ramo de Barallobre. Os demais contan cunha única mesa de votación. Todo está preparado en Fene para o traslado, tanto hoxe como mañá, do material necesario aos colexios electorais para que se desenvolva sen incidencias a xornada electoral do domingo. Esta mañá a Secretaria Municipal e outros funcionarios da administración local supervisaban as papeletas do Congreso e Senado para que non falte de nada o domingo. Todo listo pois para que o 28 de abril abran ao público os colexios electorais ás 9 en punto mañá. En Fene non hai ningunha variación neste aspecto. Serán os mesmos colexios e o mesmo número de mesas que nos últimos comicios.