Charrancas salienta que os xogos tradicionais atraen a atención de persoas de certa idade que se emocionan ao chocar con enredos que tiñan abandonados na memoria da infancia. En Melide había auténticos virgueros na elaboración dos tirapedras e daquela as vítimas eran os paxaros. Agora non hai maltrato animal, e a organización do campeonato dispoñerá de 3 dianas. Cada participante poderá realizar 2 tiros a unha distancia de 10 metros. Haberá unha categoría entre 8 e 14 anos e outra para os maiores desa idade. DE 11 a 12 da mañá permanecerá aberto o prazo de inscrición. Poderáse xogar tamén ás carrilanas, ao tiro á lata e ao lanzamento de boina, ainda que os organizadores advirten: "Nós non estamos en contra da play station".