Dúas horas despois da apertura, (sobre as 10.30) o nivel xa baixara 1,5 metros no vaso da lagoa máis próximo ao mar. A Xunta de Galicia manterá o dispositivo técnico de vixilancia deste espazo natural.

A canle realizada a semana pasada era unha medida provisional e preferente de desaugamento controlado, que obviamente agora se suspende por mor dos acontecementos habidos.

O obxectivo da Xunta de Galicia é levar a cabo unha serie de medidas permanentes, como a construción dun murete de contención ao longo do paseo marítimo e a mellora das canalizacións, para evitar futuras inundacións.
 
Ademais destas actuacións, a Dirección Xeral de Conservación da Natureza  procederá a redactar un Plan de Xestión do Humidal da Frouxeira, que regulará todos as medidas  que minimicen os problemas actuais e permitan mellorar e potenciar o funcionamento da lagoa no seu réxime natural. Está previsto que este plan estará redactado no primeiro semestre de 2012.