Esta axuda segue estando dirixida aos residentes en Galicia e mantén as mesmas condicións que o Plan re-Móvete inicial. O conselleiro de Economía e Industria, Javier Guerra, resaltou que Galicia é o maior polo da automóbil en España e que se segue caendo este sector, as consecuencias para a economía galega serán moi negativas. Asemade, indicou que este novo esforzo por potenciar a venda de vehículos é unha mensaxe de confianza para o resto de axentes do mercado, e que cando remate o ano, a Xunta seguirá tomando medidas para impulsar o sector automobilístico.

Pola súa banda, o presidente da Asociación de Concesionarios de Galicia (ACOAG), Emilio Pérez Nieto, destacou as dificultades que está a sufrir o sector coa crise económica e a subida do IVE. Tamén apuntou que os clientes deben ser conscientes de que esta campaña é un feito puntual e que Galicia é a única comunidade onde se manteñen as axudas á compra de vehículos.