Estas actuacións, que se enmarcan nunha licitación conxunta de 11 obras viarias por un importe de máis de 25 millóns de euros (25.523.242 euros) para as provincias da Coruña e Lugo;  teñen como finalidade impulsar e potenciar á conservación das infraestruturas que forman parte da rede de estradas da Comunidade galega.

Outro dos seus obxectivos é mellorar a seguridade viaria dos usuarios destas estradas e facilitar unha condución segura e estable para os cidadáns. Neste senso, as obras consistirán na materialización de reforzos e rehabilitacións de firmes e de melloras de interseccións, co obxectivo de ordenar os tráficos e ademais de garantir unhas condicións de seguridade á hora de conducir.

Ademais, este tipo de actuacións forman parte dos proxectos e medidas do Goberno galego para fomentar a creación de emprego en Galicia, así como activar a actividade económica da Comunidade. Estas actuacións mobilizarán unha media de 450 empregos.