A Xunta de Galicia puxo en funcionamento dende hoxe unha nova ferramenta de visualización das redes de observación meteorolóxica:  o MeteoVisor. A nova aplicación, creada coa colaboración da Axencia de Modernización Tecnolóxica de Galicia, nace co obxecto de ofrecer información mais detallada aos usuarios-as. Esta aplicación web permite visualizar os datos recollidos nas estacións meteorolóxicas en tempo real e de forma ordenada nunha estrutura en árbore que permite ao usuario seleccionar, de forma rápida a localidade  e os datos que desexa ver no mapa.  Meteogalicia segue a ser o referente de consulta para a información metereolóxica dos galegos-as, con máis de 50 millóns de visitas á súa web durante o ano 2013. So no día de onte, o portal web de Meteogalicia duplicou o número de visitas diarias con case 100 accesos por minuto.