Durante a presentación do seu programa electoral en Santiago de Compostela, Díaz destacou que o emprego será o eixo central das propostas de Esquerda Unida para a próxima lexilatura. A líder de EU lamentou a xestión dos últimos catro anos de Goberno na Xunta que “permitiu que o número de parados non baixase de 179.000 en tres años y medio"; que o 87 por cento de contratos "sexan temporais"; e a caída de 35.000 cotizantes da seguridade social. Por iso, acusou ao Executivo autonómico de carecer das medidas necesarias para solucionar esta situación. Asimesmo, sinalou a necesidade de incidir na identidade propia, a lingua e a simboloxía" como "responsabilidade da Administración pública" e criticou "o incumprimento programático" do BNG e o PSdeG neste ámbito "que provocou a decepción dos homes e mulleres de esquerdas”. A candidata de Esquerda Unida reivindicou o galego como lingua de país e a importancia de galeguizar as institucións, dentro do panorama plurinacional do Estado, polo que apelou aos “instrumentos necesarios” para "equiparar a oferta de galego coa do castelán”.